الرئيسية دواوين الشعراء مكتبة الفيديو مركز التحميل الاتصال بنا
& إعلان هام جداً:يمنع إستخدام الصور النسائيه والإيميلات والأغاني &

« آخـــر الـــمـــشـــاركــــات »
         :جديد المشاركات: أبرز مباريات اليوم (آخر رد :رشيد)      :جديد المشاركات: قبيلة بني رشيد وعلاقتها في امارة حائل . (آخر رد :باحـث)      :جديد المشاركات: قل للحزن فيِ " غيبتكْ " يحترمنيِ .... وأنا بقول لسودْ الأيامْ " هانَتْ " (آخر رد :سند الداموك)      :جديد المشاركات: في خاطركـ شيء ودكـ تقولهـ (آخر رد :سحايب)      :جديد المشاركات: ما حكينا ، بس بكينا ما نسينا بس تبلدنا و رضينا .. (آخر رد :مرتاحه دومز)      :جديد المشاركات: قل للمواجع : روسنا مابها كيف نشرب غثاها مثل شرب القهاوي (آخر رد :سحايب)      :جديد المشاركات: عرفت (آخر رد :رشيد)      :جديد المشاركات: تجربة مُذهلة مع العالميه للاستثمار (آخر رد :entresand)      :جديد المشاركات: إدارة المحافظ الاستثمارية للأفراد والمؤسسات مع العالميه للاستثمار (آخر رد :entresand)      :جديد المشاركات: اخر اخبار منتخبنا السعودي لكرة القدم (آخر رد :رشيد)      


 
 
عـودة للخلف   قبيلة بني رشيد > الساحات الادبية > منتدى الشـــعــــر
منتدى الشـــعــــر قصائد نادرة..قصّه وأبيات..من القائل . قصائد منقوله . ابداعات الاعضاء

 
 
الرد على الموضوع
 
خيارات الموضوع ابحث بهذا الموضوع
 
 
قديم 30-11-2010, 04:17 PM   رقم المشاركة : 1
كاتب الرشيدي
عضو شرف وشـــاعر
 
الصورة الشخصية لـ كاتب الرشيدي







 

الحالة
كاتب الرشيدي غير متصل

 
كاتب الرشيدي بدأ يبرز


 

الافتراضي (((الف مبروووك للمتأهلين للمرحلة ماقبل النهائية من شاعر الموسم 2 )))

شاعر الموسم والعام الثاني 1431 هـ








أعزائي ادارة وأعضاء وزوار شبكة عبس ( قلعة المجد والتاريخ )
السلام عليكم ورحمة الله وبركاته

وكل عام وانتم بخير :
مسابقة شاعر الموسم في نسخته الثانيه والتي كان لها نصيب الاسد من اقبال الشعراء ومتابعة الجميع من اداري واعضاء وزوار شبكة عبس وظهر نجاحها بتوفيق من الله ثم من تفاعلكم وكذلك من الداعم الأستاذ ملفي الرشيدي الذي رعاها للموسم الثاني

وتكاتف القائمين عليها وعلى راسهم قائدنا سعد الرشيدي والأستاذ بندر الذيابي والمشرف العام على المسابقة العمده والمشرف الأعلامي عيد بن عبيد وأعضاء اللجنة الذين ابلو بلاً حسن ولهم النصيب الأكبر من اشكالية الأختيار اعانهم الله لتقارب مستوى الشعراء الذي هم نقطة نجاح المسابقة وللتصاميم دور كبير من المشرفة شهاليل .
وإدارة منتديات شبكة عبس تهنئ المتاهلين للمرحلة ماقبل النهائية الف الف مبروك ولمن لم يحالفهم الحظ نحن فائزين بمشاركتهم معنا ونقول لهم حظاً أوفر بالمسابقة القادمة بإذن الله
وهنا قصائد الشعراء المتاهلين والمختارة من اللجنة بدون ترتيب حيث يتم تقييمها لتتأهل عشر قصائد للمرحلة النهائية بالوقت القريب بإذن الله


وهذه القصائد المتأهلة
ملاحظة نظام المسابقة لايتسع اكثر من هذه القصائد والإ فيه قصائد مشاركة لو يتسع أكثر من 23 قصيدة لوجدت حيث أغلب القصائد رائعة ولكن ماحالفها الحظ أشكر شعّارنا على الإبداع ونتمنى لهم التوفيق ونفتخر بهم

إقتباس:
اقتباس من مشاركة المعزب مشاهدة المشاركة
عن مايثير الشك من هرج مغلوط=لقيت سحر مروجين المقاضي
سكر نبات وسم ذرنوح مخلوط=على السان اهل الشدوق العراضي
اعمالهم تطبخ على قدر مضغوط=مدفون تحت الجمر والجمر ياضي
وانكان مال المجتمع قيد وشروط=اصبح حمل راع المواهب اجهاضي
كلاً على بنت الهوى ياخذ الشوط=لو جم عده مايبل الحياضي
ماتنصفط مواهب الناس مصفوط=الله فرضها للعباد افتراضي
ينوط فيها راعي المعرفه نوط=الياعرض صيد الخيال اعتراضي
ماتجيبه الحيله ولايجيبه السوط=براق مزناً في دجاء الليل ناضي
يخيله اللي من عنى الوقت مبسوط=ويخيله اللي من عنى الوقت قاضي
غيث الكبود اللي يموط الدهر موط= لابان ترقصله حزوم الفياضي
يالجنة التحكيم والصوت مشحوط=يااهل الصحيح اللي عليه البياضي
منقيتي حطو على حروفها نقوط=وانا ترى باللي تحكمون راضي


الـــمــــعـــزب



إقتباس:
اقتباس من مشاركة القسوره مشاهدة المشاركة
هذا عناق اوراق بعدك والاقلام = تستنزف دمووعي وكثر اشتياقي
والليل والنجمات والدمع ماصام = علي امل مرسوول يووم التلاقي
ازفها لك لووحة ابداع رسام = يمكن تهمك لووعتي واحتراقي
اسير بعدك قفل القلب بأحكام = علي مفاتيحه نهار الفراقي
حبسٍ علي صوورة خيالك من العام = وسياج لا يبرح سوارك وثاقي
وانا ضلووعي سوور وعرووقي اخطام = طاوع طيووفك لين ماعاد باقي
الا سهر جمر المناهيل مانام = طرفٍ مازال بيووم لقياك هاقي
يتبع مجاهيم الامل خلج وهيام = ونووح الخلووج سيووف مدري سناقي
استنزلت حالٍ غدا جلد وعظام = ونزيف جرح المعظله مايحاقي
حنت وانا حنيت لأطراف الايام = حنين من تله سبيل العراقي
للذكريات النرجسيه والاحلام = والحان ماغنا حمام السواقي
يووم الوصال الحاتمي رز الاعلام = ومعزب الضيفان ريف الطراقي
الي ليا هليت حيا بي وقام = واخذ مجامع ساعدي عن مساقي
وعلي القطيف اقسام غير افلح اقسام = وقرب لي المركي وذرا الرواقي
وحيا هلا مليووون يانسل الاكرام = والبيت بيتي والنجايب نياقي
هذا ربيع القلب لو كان مادام = ولا توجد فووق الاطلال شاقي
قلبٍ سقاه الوقت من نزف الاقلام = الحق مع ركب المحبين ساقي
وابديت ماكنيت ماقلت قدام = علي امل مرسوول يوووم التلاقي

ودق انفاس



اليـم كوني والأماني شراعّي ~~ ومجدافي أحلآم السنين الكذوبه

والحزن في سكة خطآوّي واعي ~~ والبال مرياع الفراق وهبوبه

صار الفرح يعني حضوره وداعي ~~ والقلب طرقي(ن) وبقعآ ركوبه

ياصاحبي ما أشوف للحزن داعي ~~ مدآم حزني ذنب وأقدر أتـوبه

ويلاه ياجرح(ن) ندوبه وساعي ~~ البارحه فاض وتزايد صبوبه

موقف حصل شتـّت ظلآمه شعاعي ~~ وعم الظلآم ,, ونوري أعلن هروبه

عليه أقسى من سموم الأفاعي ~~ وأصعب علي من الفراق ودروبه

الصاحب اللي كان يبغى ضياعي ~~ لآ وآحسافة مـدّت العـز صوبه

خساره إني جيت بالـطيب سآعي ~~ ومديت طيب لعالم(ن) ما رضوبه

عز الله إني ودي اقطع ذراعي ~~ عشان اطهر ضامري من ذنوبه

وأقول لـيمين الكريم الشجاعي ~~ منتـي على حث الردّي مغصوبه

وأعلـّم اللي ما يثـمن صراعي ~~ ولآ حس في قيمة وفاي وعذوبه
إن النهار اللي سمح بـ إلتياعي ~~ قـفـآ من اللحظه لـسكـة غروبه
وإن الرجال اللي حشاها صناعي ~~ ماهي على دنيا الزحول محسوبه
أعلنتها مع رغبتي وإمتناعي ~~ وقلبي من المكنون زآآدت شبوبه
وحبكتها من خبرة إنسان وآعي ~~ وعلـقـتها رمـز(ن) بـصدر ألـعروبه
لو ضعت ماحس الزمآن بضياعي ~~ شـوف الزمن قبلي مضيّـع شعوبه ...




















الفيلسووف
عسى الله يصبرني على غيابك اسبوعين=لو إني على فرقاك ماعاد يمديني
تولعت بك واخذت قلبي وأنا مسكين=لو أشوف حتى دمعة الطير تبكيني
مسا الخير ياعطر الحياة وقرار العين=مسا الخير يانبض الوجود بشراييني
مسا الخير ياصوتٍ صداه بسموعي دين=مسا الخير ياروح القصيد بدواويني
مسا الخير مازينت فيك الزمان الشين=مسا الخير مافكرت بك بيني وبيني
مسا الخير ماسهرت عيوني لعينك لين=غفا الليل واستنحى وأنا ماغفت عيني
عليك المشاعر مستميته ونار البين=تحملت منها بعدك اللي يكفيني
تخبر الظلام اللي تركني قبل عامين=بعد غيبتك ما غيره أحدٍ مخاويني
منول تسلي خاطري ياملاك الزين=وهالحين ماني عارفن من يسليني
ولكن عسى الله يجمع الشمل بين اثنين=لو إن الفراق بنار الأشواق كاويني
ولا في يدي غير انتظر طيلة اسبوعين=..وصبرٍ جميل..وياعسى الله يقويني



إقتباس:
اقتباس من مشاركة مبارك نافع مشاهدة المشاركة
حوالي حوالي ماتسرك يابو ستان=دموع العيون أسراب والقلب ملتاعي
لاتنشد عن أحوالي وعن طرفي السهران=تراني سهرت الليل والناس هجاعي
أحسب النجوم المرقبة وألعن الهجران=وأقول الهوى بحراً عميقٍ بلاقاعي
وأنا العاشق الصادق وأنا المغرم الولهان=وأنا اللي مابعت الحب في سوق الأطماعي
نشف ريق حلقي وانتهت لحظة الوجدان=وطويت الهموم الجايحة بين الأضلاعي
ولامني سليت وزارني موكب النسيان=يجيني بنومي طيف ويجدد أوجاعي
أنا كيف ابنسى من بنت داخل الشريان=قصور وبساتينٍ لها ألوان وأنواعي
بحرها عميق وصرت في داخله قبطان =ولكن غمرني بعد ماقبقب شراعي
واخذني ووداني إلى عالم الأحزان=وحاولت في كل المجاديف مطلاعي
ولكن مامن حيلة ولا في يدي سلطان=ولو هيبتي تنفذ على كل الأوضاعي
مشيت بغلاها مايقارب ثلاث أزمان=قريب المسافة بس ياصعب مرجاعي
وتذكرت كل اللي مضى كيف صار وكان=وطلع لي على الشاشات تشويش وشعاعي
تقل حلم يفقد عنصر الضم والتحنان=أثر لالتقينا أصير معها ماني واعي
حشى مايفيد الحزن والصبر والكتمان =لوني كتمت السر لابد ينذاعي
هذا الحب واعقابه وخيمة على الإنسان =ماوالله وراه ألا المتاعب والأوجاعي

إقتباس:
اقتباس من مشاركة العميل السري مشاهدة المشاركة


تداعي ياهجوسي وضرمي نار القصيد أضرام000 ابحرق بك ملفات الشعور ومايصاحبها


بعد ضاقت مساحاتي وانا اشوف الامل قدام000اسندها على اللي لاحتمى الميقاف فازبها


سـلام الله على ملفي عدد مالورق ناح وحام000وهيض بالمشاعر شوق باللحان ينوحبها


يابو عباد في يـدك نهـاية سـالفه من عام0000أطاردها وانا اللي يكره الطـاري يمربها


وانافعلا تعبت ولو بدت حالي على مايرام000تعب متني من اثقال الحمول اللي يقومبها


واناجيتك بعد حطيت ذكرك للصدور وسام000تنومس به رجـال العز لا عدت مواجبها


حزامي ياحزامي يوم مـاحول الرجـال حزام0000أبي وقفه يخلدهـا الزمن بسـمك ويكتبها


لك الله لو تمـر بسـالفة عمري مـرور اكرام0000تهادى بالوجيــــه ونظرة الغــالي تعاتبها


عـلى نفس اتجـاه البوصله لاصرت رايح شام000ومسـارات الضنون ضنون شِرقها وغِربها


يابوعباد تدري وش تبى الســاعات والايام000تبى وقفه يخلدها الزمن بسمك ويكتبها
























حمودالبراهيم/(العميل السري)


إقتباس:
اقتباس من مشاركة جميل مساعد مشاهدة المشاركة


قصايد على المنكوس جزلات وسمانـي=قصايد غرام وشـوق وأحـلام ورديـه
واذ جيت ابوصف من ذهب زين الأثماني=جمالٍ طبيعـي والشقـا عيـن بحريـه
عيـونٍ تهـز الشـوق تآمـر وتنهانـي=مثل مايهـز الغصـن بالـدوح قمريـه
وقل الربيع اللـي لـه سنيـن ماجانـي=يمـر الديـار اللـي شمـال السعوديـه
يسلم على ريميـة القلـب مـن شانـي=رشيـدي وقلبـه عاشـقٍ لـه رشيديـه
ولا يالعذول اللي علـى البعـد تحدانـي=معاليق قلبي فـي هـوى حـب ريميه
يطير الحمام اللي تعلى عـن أغصانـي=يوصـل رسايلنـا علـى العـز منقيـه
يجوب الديار وخاطـري منـه مايعانـي=وأنـا بنتظـاره يالله ترجـعـه لـيـه
أحبـه وحبـه واصـلٍ حـد الأدمانـي=بقلبـي وأقـول أن الغـلا زايـد شويـه
هواجيس فكـري والهواجيـس تنعانـي=على اللي مكانه فـي شمـال السعوديـه

إقتباس:
اقتباس من مشاركة اخو جوزى مشاهدة المشاركة
ياللي على مرقاب رجم الهوى ارقبت=يابعد مابين الحديثه وسلوى
الله يلوم البعد والاحد والسبت=صاراً على بعض المخاليق بلوى
حتى الحمام الزاجل ان قلت وش جبت=يلقي مشاريهه على طير شلوى
وانا كبرت ومثل ماتشوفني شبت=وعلوم سبار المعازيب تلوى
والاقشر الخفاق من فعله اذنبت=على حمم لفحة هواه اتخلوى
مابين مشراف الشفاشيف والخبت=الياطمن شوف (الظليم) اتعلوى
اجلابها شوفي عن الحجب والكبت=يزرق على كبد السماء ويتجلوى
وقول ياكوكب عطارد اليا صبت=على مصابك باالوطاء لاتغلوى
تغيب لكنك على البال ماغبت=ماعنك ياكوكب سماء العود سلوى
شرقت والا عن فضاء العود غربت=ابيض والذ من الحليب المحلوى
إقتباس:
اقتباس من مشاركة المحيط الهادي مشاهدة المشاركة

ياساري الليـــل .. يا صبر العيــــون
اللي تجــافى عن فراش المنـــــام

ما للعشـــم حيل في سود الظنـــون
والوقت ( رزنـــامتـــه ) في كل عـام

أتحسب الاعمار .. واللي يحسبون
أوراقها .. مايعرفون النظــــــــــام

كم أظمرت في حشاها من ( قرون )
وكم مرها من ( عجاج ) ومن ( غمام )

وكم أقعدت ناس عنها .. يرقدون
وكم صاحي (ن) كان يطردها ونـــــام

كن الزمن .. ( وحش ) يأكل بالسنون
فضلاته قبـور .. والدنيـا طعـــــام

أكل لحمها .. ومن زود الجنــــون
نركض عليها وهي كومة عظـــــــام

أحلامنا .. طيور وأقرب ما تـــكون
إلى ( العصافير ) وأسراب ( الحمام )

وقع بعضها على خضر الغصون
والبعض من فوقنا حلق وحـــــــــــام

واللي يصيدون منها .. يشتـــــوون
و( الفندوة ) ما نسميها ( سنــــام )

والناس من طبعهم ما يشبـــــــــعون
لو يترسون البطون من الحــرام

أحيان ما يمدي اللي يزرعــــــــــون
يجنونها ( الصبح ) من بعد الظـــــلام

تفنا وهم فالمنــــازل نائمـــــــــــون
يصيبها ( إعصـــــار ) وتعود حطـــام

وأحيان لا يأمن اللي يســــــكنــــون
في ( برج عاجي ) و ( قصر من الرخام)

يمســون فيــها وبكــره يصبحــــــــــــون
امن أهل ( الريف ) وأصحاب ( الخيــــام )

و( النور ) لولاه .. وش حال ( العيون )
و ( الصدق ) لولاه .. وش طعم الكـــــلام

والوقت ( سيفه ) على حد المتــــــــــــون

وياما وقف دون تحقيــــــــق المـــــــــرام
إقتباس:
اقتباس من مشاركة الشمالي404 مشاهدة المشاركة
العام وقبل العام ضيم الوقت من غيض السنين=أضم جمرة سر غليون الزمن واكنها
ياصاحبي خل الملام الجرح في قلبي دفين=شفيت لي فنجال دله والغدر في بنها
متعديه حد الملامه صاحبي الله يعين=اصبر واذا صبرك نفذ ردد آهات وغنها
كم عام صبر ايوب قلي وانت سيد العارفين=وكم عام صابر وأتحمل حرب غيري شنها
بعد النظر يجبرني اسكت غصب خذ علمن يقين=بعض السوالف لو تصاغ بحرفنه مامنها
ماسولفوا لك عن صهيل الخيل والحصن الحصين=مالمحوا وحده بوحده عنها ماعنها
ماسولفوا لك عن مقيد سالفة حبلن متين=السالفه نقش الخضاب وملحها يزهنها
ياضيقة الخاطر غريب الذات صبر الصابرين=سهر العيون وضيقة المغرب علي من سنها
عجزت اعدل وضع مزري لايسار ولايمين=ولاهو بنا اللي راس ماله دمعته ويدنها
شان الزمان او زان يبقى الحر بالحيد المكين=حتى عيونك شوفته بالقاع مايرضنها
لازلت احاول ياس مالي فيه يالرد الثمين=ياللي تداوي ونتن صاحبك مبطي ونها
ياصاحبي صبرك علي اشوي والخافي يبين=ماهي بلحية من يخمن يمكن اوكود انها
اليا متى صابر على جور الليالي والسنين=وأضم جمرة سر غليون الزمن واكنها


إقتباس:
اقتباس من مشاركة متنبي هذا الجيل مشاهدة المشاركة

(((صحيح إن الصدور قبور)))


بعدحالة ترقّب في ضلام الليل واستنفار

جعلت من الخيال لْواسع التفكير حريه





أهوجس مع بنات الفكر وتسريني الافكار

على صوره خياليه على صوره حقيقه





بما لذا وطاب من القصيد ومحتواه اختار

نوادر جوهر الهاجس من الافكار منقيه





تمعن في غموض من الحياة وللحياة أسرار

صحيح إن الصدور قبور بالخافي وهي حيه





عن الاخبار بالتفصيل يكفي موجز الاخبار

على البث المباشر بالقنوات الفضائيه





علامه للتعجب بين رفض وشجب واستنكار

للأبعاد الثلاثيه بالاشكال الثلاثيه





صور مفهومها التنبيه والتحذير والانذار

وصور مفهومها سايد على الروح الرياضيه





وصورمفهومها مبني على الابداع والاصرار

ما يفهمها سوى من يدرك من الكم كميه





حساباتٍ نحَسْب اعدادها من قيمة الاصفار

لو الاصفار ما هي ضمن الأعداد الطبيعيه





أحب أجري مع الواقع بمفهومه وما قد صار

طبيعي والليالي مدرسه ودروس سريه





شرى وابتاع فيها من شرى وابتاع والاسعار

خياليه ومدفوع الثمن معنى الخياليه





وكلٍ يدعي ويقول : ما تصير اليمين يسار

واقول : إن اليمين يسار لاصارت يساريه








الشاعر / عبد العزيز صالح القعبوبي

إقتباس:
اقتباس من مشاركة بعيد الشوح مشاهدة المشاركة

لاضاق صدر القصيد وهاج زمل الخَيَال = استنفرت وحدة المعنى بقواتها
يشوش راس الشجاع ويستبيح المٌحال = والفيصل أجرد وذنب الخيل بأصواتها
لاطار عج الرمك ماعاد فيها مجال = هيجاء وصادف مجي الفارس أوقاتها
لازغردنّ الصبايا واستمات القتال = ياساعة النصر للغالب ولذاتها
يشار له بالبنان ويستحق الجزال = توثر له البنت لوهو سبة امواتها
من تحت صدر السماء من فوق جهم الخِيال = يعانق النجمه الجوزاء بمداراتها
له كلمة الحق حد السيف عند العُضال = مستحوذٍ بالفضاء جُلة محطاتها
وله وافر الحظ لاعدت جميع الخصال = يدخل بأمور النشب ويفك عضِلاتها
كالسيف يقطع على حدين في كل حال = ويخّلد افعال قوم ويذكر ازماتها
ان زان جوه مع العالم قراحاً زلال = وان شان حتى الدول خرب علاقاتها



مسندالعويمري


مريت برسوم العدود وجيت مستـاق الركـاب=ومريت جنب الشجره الـي مـا يضلـل ظلهـا
اعد خطوات القدم وخطيت فـي عـد الحسـاب=متيممن غربـت زمـان ولا عرفـت اوصلهـا
ارحل من الضيقه لون بداخلـي هـم ورتـاب=ونا الـدروب الـي نويـت اوصلهـا مادلهـا
ورجع اواسي غربتي لاشفت نورالشمس غاب=واجلس مع اسرا في سراديب الفكـر لا علهـا
ولا علها تصبح طليقت قيد في عـز الشبـاب=وتكتب على مال الزمن كـان الزمـان امهلهـا
اهيم لا شفت الجبل واسج لا شفـت الهظـاب=وعيش جوي كـل مـاروس الهظـاب اطلهـا
اهج عن ضيقه وعن غربـه وخـوة اكتئـاب=وضعي دفاعـي دون هـم النفـس لا يحتلهـا
تعبت اجامل يا غموض الشعر بفك الكتـاب=لاعـل يفهمهـا الذكـي والغيـر مايفطلـهـا
يالصاحب لي صحبتك من بين ضرس وبين ناب=افهم ترا صحاب الوفاء عندي ماتسـوا ظلهـا
كم من صحيبن مع مرور الوقت فيه الظن خاب=وكم من صحيبن كل ما كبرت حمولـك شلهـا
انـا خـوي الطيـب للاقصيـن ولا للـقـراب=ماهو بجمت حسـو مايسـق الركايـب كلهـا
كم صاحبن يبديلك بصحبه وقربـه قـرب داب=وكم كلمتن لجل رجـال الطيـب طيـب انزلهـا
ماجيت للي خضبو روس العرينـي والنصـاب=كم من خليلـه مـن سببهـم ماتـودع خلهـا
اثر الردا بيتن سكن فيه البريصـي والغـراب=واثرالكرم مثـل الفيـاض الـي تخالـط فلهـا
لوماحسبت حساب في قول المثل ملح وشـراب=انـي لاقـول الشجـره الـي مايظلـل ظلهـا
يارب وفقنـا طريـق الحـق ودروب الصـواب=ولا عـل مقبلـت اليالـي تبتسـم فـي حلهـا




يتبع >>>>>>














التوقيع :
سبحان الله والحمد لله ولاله إلا الله والله أكبر
آخر تعديل كاتب الرشيدي يوم 05-12-2010 في 01:31 PM.

الرد باقتباس
 
 
 
 
قديم 30-11-2010, 04:26 PM   رقم المشاركة : 2
كاتب الرشيدي
عضو شرف وشـــاعر
 
الصورة الشخصية لـ كاتب الرشيدي







 

الحالة
كاتب الرشيدي غير متصل

 
كاتب الرشيدي بدأ يبرز


 

الافتراضي


شاعر الموسم والعام الثاني 1431 هـ




إقتباس:
اقتباس من مشاركة شاعر الشمل مشاهدة المشاركة
ياصاحبي صمتي طبيعه وعاده=مااخفيك..صمتي فرجة الدرب لاضاق
فيه اتمادا واتطاول زياده=وهو الوحيد اللي ليا طال ماباق
دوني فتح جبهة حروب الاباده=حمّل غريمي دون روحي مالاطاق
ارخى الرقاب وحط فيها قلاده=وارسل رساله نصها(حسن الاخلاق)
كل(ن) يترجمها بحسب اعتقاده=واليا اخلصو شقو من الغيض الاوراق
ماحد(ن) لحق غاية هواه ومراده=والصبر محرقهم على صمتي احراق
فالصمت عن بعض السوالف عباده=لكثر هرج مقطعة ميخر الساق
وان كان ودك في دليل وشهاده=راقب حوال مبعثر اسرار الاعماق
تلقى براح(ن) مايتعشّا جراده=وتشوف بعيونك قليلين الاوفاق
اللي هم اسباب الشقا والقراده=لحوالهم وألا اكثر الناس ماانساق
يفهم ولاتاطا الخباره جواده=لو حرك الغربي زماليق الاشواق
شرواك ياطير(ن) ينومس هداده=لاشالو البرقع ولافيك مسباق
لاتصير في خاطرك نقطة سواده=خل الفقارا اتضيع في وسط الاسواق
ماهي حكاية من يعاديك عاده=حنا بوقت امسايرة لطف الاذواق
اصبر على حر الزمان وبراده=واقطف ثمر ميلوق وياك..مالاق

إقتباس:
اقتباس من مشاركة عودة الماضي مشاهدة المشاركة

كل شيءٍ يذكرني بما فات غايب=وشيءٍ يغيبه طول البطى كيف أعيده؟
ما بقى ما يعيد الذاكرة للحبايب=كل ذكرىً قديمة جت بدلها جديدة
مات الإحساس بإدراك القهر والمصايب=وغاب طعم الوجود وعفت ما كنت أريده
مر بي عيد حب أغلى البشر والقرايب=قلت:عيدك مجيد..وعيد قلبي وقيده
يا كثر ما لجرحك وسط قلبي نحايب=إبن عمه وأخوه وواحدٍ من عبيده
من تفننك بجروحي يا جمع الغرايب=صارت جروح غيري في عيوني زهيدة
عشت في وحدتي من لمة الجمع هايب= وأنتِ إلتم شملك في حياةٍ سعيدة
كن مأنتِ لهالوحدة شريك وسبايب=عايشٍ فيك متوحد ولأنتِ وحيدة
في غيابك ضلوعي فوق قلبي نصايب=بأرض صدري ضريحٍ ضم قلب و وريده
عوج الأضلاع لا ضميت بيض الترايب=تستوي لك رياض وينبعث لك فقيدة
الرضاب المعسل في شفايفك ذايب=يا شفاء سقم ذوقي يالشفاة الفريدة
كانها ذنب؟ راضي به ولاني بتايب=الضرورة تحل محرمات العقيدة.





إقتباس:
اقتباس من مشاركة ناصر الرشيدي مشاهدة المشاركة


يوم ضاقت في عيوني شفت كن الجو غبّر=والتفت ولا لقيت اللي يبي يحفظ وصاتي
قلت ياربي دعوت اعداد من هلل وكبّر=تفرج لمنهو همومه في ضميره طاغياتي
والسبايب في همومه قصةٍ منها تعبّر=لو بغيت اشرح سببهن ضعت بين اربع جهاتي
وصرت اجامل لين شفت الدمع بعيوني تكبّر=واتضاهر بالفرح والحزن محرمني مباتي
زاد حزني زاد حزني لين في قلبي تزبّر=والحزن لو معتصم بالله دمرلي حياتي
واتصبر واتصبر واعذاب اللي تصبّر=والليالي مقفيات ومقبلات ومقفياتي
وكل ماقلت الله اعلم بانها بكره تدبّر=صار الامس ابسط واخف امن الليالي المقبلاتي
وآآآآهـ ليت اللي سبب همي واحزاني يخبّر= باني اسكت ... لجل مجرح خاطره وافرح عداتي
والمسافه بيننا من قربها يمكن تشبر= نشبه الايام لو ايامنا متتابعاتي
مير ياقلبي على اللي صارلك بالله تجبّر=وكل ماضاقت بوجهي قلت يادنياي هاتي


.
.........................

إقتباس:
اقتباس من مشاركة مساعد عواض مشاهدة المشاركة

واعذابي من مجاهيم الزمان الخاوي=والفراق وساعته واللي بلاني فيها
اصلب الاعضى ابودعهم ولاني قاوي =هد حيلي فجعت الفرقا وانا ناسيها
فجعت الغافل بعلماً شين رمحن هاوي=طعنتاً من كف ساطن مانوا يثنيها
من قهر ومن القهر مايرحم ولاياوي= خايفً من قول افا ولا لاحد يطريها
قصتاً لو مات صاحبها نقلها الراوي=للذي بعده ومن بعده يبا يرويها
من رعيل اليارعيل الموقف الماساوي=نكبت حزيران تبطي منقطع طاريه
لحياة المن تنادي مل هواك مداوي=تعمه ابغيك ونفسك قاضيً قاضيها
تستجن امن السكون اولونه السوداوي=لوتكون الراحه ابوادي بعُد واديها
تحدث القفله على غفله ولاني ناوي=اخرب اللعبه على هاوينها وانهيها
والتصغرننبذه في حاله الدنياوي=نفعته لو هي لفائدتي ماني راضيها





إقتباس:
اقتباس من مشاركة كوكب الطاروق مشاهدة المشاركة
((( ثمين الدر والالماااااااااس ))))




ألا ياقلب لا توسوس ليا نامت عيون الناس
دخيلك لا تذكرني بأمور(ن) كنت ناسيها


ترى عيني على الذكرى تساهرني بدون احساس
ليامنك ذكرت القصه اللي غاب راعيها


زمان(ن) فات قبل الحبر يجبرني على القرطاس
وأدون قصة العاشق من أولها لتاليها


حبيب(ن) ما توقعته معي يصبح عديم احساس
وأنا اللي كلمته لا قالها ملزوم البيها


عطيته من بحر حبي ثمين الدر والالماس
وجبرت الخاطر اللي قبل عرفي رايح(ن) فيها


ورماني في سهم عينه على درب الرجاء والياس
يجيني لا بغى وإلْيكتفى عيني يبكيها


تردى بي وأنا امده بيمنى الطيب والنوماس
وسوى بي سواة(ن) فيه لا والله ما اسويها


أحسبه صافي النيه واثر بعض الوجيه اخساس
يجيك بوجه(ن) أبيض والنوايا السود نا ويها


غديت اكليب في وقتي ومحبوبي مثل جساس
طعني بالظهر طعنة يا وين القى مداويها


ألا حسبي عليه اللي لغيره ما خضعت الراس
يدبر ما يشاء والناس يفنيها ويحييها


رسول الحب لا وصله كلامي واعتذر لاباس
لأجل خاطر عيونه كل غلطاته نعديها



الشاعر /


نواف حامد محمد الرشيدي
وضاح اليمن
بالله عليكم خلو الباب مفتوح= تكفون لو لحظات لاتقفلونه
اخاف اطالع زول من ينعش الروح= اللي سلب عقلي بنظرة عيونه
عين العديم اللي تنكس على الوح= والخد برق اللي تزبر مزونه
عليه اجاوب ساجع الورق بالنوح= العي مثل لعيه لاروجع لحونه
واقنب قنيب الي عوى بعالي الصوح= ذيبن حداه الجوع وشتد كونه
ويلايم العشاق مانته امسموح= قل خير ولا لاتدخل بشونه
الحب للي جربه سم ذرنوح= منه الدجيما مات تنزف طعونه
وبن المطوع مات ماهو مذبوح= سبة وفاته مات يتبع ضعونه
وقيس الملوح جن من متلف الروح= متوحش وحوش الخلا يتبعونه
وكثيرصارلهم من الحب ساموح= وضاح حكام اليمن يذبحونه
مدفون حين فوقه الرمل ممسوح= اقرو تفاصيل الخبر تعرفونه
هذا الهواء كم سبب اهات وجروح= من جربه مايشمت اللي يبونه
الا دليغن قلبه افقس وممنوح= خلوه في نومه ولا تقعدونه
والزكا التحايا لكل من يبعد الشوح= وخص رجلٍ ربعته يشكرونه
ملفي ولد صالح ليا سمح بالبوح= كم من فقيرن جاه ووفا ديونه
في كل عام يكرر الطيب بوضوح=لشعر والشعار مخلف ضنونه
وان فزت فوزي لاهل الخيرمطروح= بخيريت الصدقات لي تاضعونه
انا بخير ولا على الحال لافوح= على حسابي مانبا ترسلونه

[quote=عيد الداموك;1900179]

أول بدا ياهاجسي نتجه وين = نارد على جمّ البحور الغزيره
الشعر فن ويفرقون الفهيمين = لو أن كلن قام يشعب بعيره
ويقول أنا الفهمان والناس غادين = لو أن زاده مايعبي جفيره
حبيت أشارك مع ربوعن عزيزين = أفخر بهم وافخر بكل العشيره
ربعي سلايل عبس ضد المعادين = نطاحتن بالكون وجه المغيره
نفخر بماضيهم ونفخر بها الحين = مثل الجبال اللي رست بالجزيره
ياماضي الايام وين الخبر وين = من قرب البارود عند الذخيره
من شاهد الاحداث يقرأ العناوين = ولاتنتبه غير العيون البصيره
ياأهل العقول الراجحه يالثقيلين = ياللي لكم في ماضي الوقت سيره
تبصروا في حال ميل الموازين = أحداث لاتقبل وقصه مثيره
قضيه أخطر من قضية فلسطين = يوم الخشير يروح يطمع خشيره
وقضيه أخطر من قضية فلسطين = يوم الصغير مايشاور كبيره
وقضية أخطر من قضية فلسطين = لاسيب الجاهل يحوس المريره
ويشب نار الحرب بين القريبين = ويثور الفتنه وتصبح سعيره
وتبلش بها العقيل قبل المجانين = وكلن على الثاني يطبل بزيره
ويكثر هزال الهرج وسط الدواوين = ويصبح سمان الهرج مثل الكسيره
وتفرق العربان بيسار ويمين = احداث تجري في زمنا خطيره
والعلم يرجع للرجال الكريمين = والاوله ماهي سوات الاخيره
الله يعز مثبتين الموازين = آل السعود اهل الوجيه السفيره
اللي هدفهم نصرة الحق والدين = مطوعة روس الطغاه الشريره


إقتباس:
اقتباس من مشاركة صياف مشاهدة المشاركة
وشلون ابا اقصد دون شف ومطاليب = لاضاق صدر ولاجـروح (ن) دميـة


الشعر له وسـط الضمايـر مناديـب = يفزع لهـا فزعـت خـوي الخويـه

وشعري تخبره يوم رمشي طلع شيب = شيب (ن) سببه اعيونـك النرجسيـة

انشد اعيونك عن اسهوم(ن) معاطيب = كم صابني منهـن وش صـار فيـه

جني بسد ارموش سود(ن) مهاديـب = سهم(ن) حياة وسهـم الاخـر منيـة

خلني ابـدع فيـك باحـلا الاساليـب = واقول شعر(ن) منكتـب فيـك زيـة

ولوبحـت لك مكـن صـدر المزاريـب = غنيـت لنجـوم السمـاء سامريـة

لاكني اقـف عنـد حـد المحاسيـب = والشرهه الـي بالقلـوب الصخيـة

واليوم يوم اوثقت فيـك المقاضيـب = معـاد باقـي بالحشـا نـار حيـه

نهاية المشـوار عـذب المشاريـب = عقب الظمـا والخـوف والمهميـة

وقفلت عن بعض الهجوس الدواليـب = وصار الشعر عندي سـلام والتحيـة

الياذكرتـك راح كـلـه تراحـيـب = وان ماذكرتك شـره شعـري عليـهه

وبرد الهجوس يبوق حس المحاديب = ويكفي سمعت من القصيدالاذية


لكن بكحل فيك بيض المكاتيب = لاراحت اعيون القصيدة خلية


إقتباس:
اقتباس من مشاركة على هونك مشاهدة المشاركة
عسى الله لايعيدك يانهار(ن) طالت اوجاعه = احسب انك عليه نور واثرك من ضحاك امسيت
قريت اعذب رموز الشوق حرف(ن) يطرب ايقاعه = وانا ماصدق ان الشوق يكتب ليني اتهجيت
بريشة رمش عين (ن) مالها الى السمع والطاعه = ليامنه عزف لي من لحون السامري غنيت
وانا ماكان في قلبي حنان ولااعرف اطباعه = ولا حولي وله لولاك ماطالعت لي واغظيت
وجيتك معي ماملك من حنين الشوق واتباعه = ورهنت الك اصدق ايام الحياه وبعدها نغريت
عطيتك شي (ن) اكثر منك مافكرت بضياعه = دفعته في سبيل انك تعرف ان الحشاء لك بيت
احاول بالعمر كله معك بمفاهمت ساعه = ربطت ابه الا اماني مير ماصارت على التوقيت
عشقتك حزت (ن) فيها الزمن متساعد اوضاعه = دفعت ابها ثمن هاك النهار الي عليك ارهيت
عرفت ان الفرح والقرب مسك (ن) هب ذعذاعه = وعرفت ان الحزن والبعد لاخويتهن وليت
وعرفت ان البها والحسن منك وفيك مرباعه = وعرفت انك خذتك الغطرسه وابعد سماك الصيت
وعرفت انك تراقبني وشفت الحزن وابداعه = وعرفت اني على بالك ولاادري وش بلاك ابطيت
اثر كله على شانك تحرى دقت الساعه = تبى تسمع رنين اجراس شوق (ن) خانها التوقيت

إقتباس:
اقتباس من مشاركة مشاري بن سرهيد مشاهدة المشاركة
أ



خواطري يوم هزتها مشاعرها=يابارق الشعر هلت غرة امزانك
على هجوس الجزاله وانت خابرها=توفي بحقك ولاتبخس بميزانك
ياهاجسي بشرح القصه وصٌورها=مادام االإبداع تحت اسمك وعنوانك
ياشين فرقى الهنوف اللي تذكرها=لوكنت جالس تسولف مع حدى اخوانك
ياصدري اللي يضيق ان ضاق خاطرها=ماكنك ألا غريب(ن) داخل اوطانك
من فوق بحر الجفا ترسي بواخرها=يابحر الاشواق وش لولك ومرجانك
اقفت ونار الحشا شبت سعايرها=ياصبر معذور لوهو ثار بركانك
انا عيوني شكت منها محاجرها=ياحبي اللي رحلت وضاع برهانك
بعطيك كلمه من لساني وفسرها=كلمه ولكن يامبعدها عن لسانك
لاصار حتى دموعي ماتقدرها=لايا خسارة دموع العين من شانك



هذه القصائد المتأهله وخلال الأيام القادمة القريبة نعلن الفائزين بالمراكز العشرة

نتمنى للجميع التوفيق ومن لم يحالفه الحظ نشكره على مشاركته معنا وله حظاً أوفر


والسلام عليكم ورحمة الله وبركاته











آخر تعديل كاتب الرشيدي يوم 05-12-2010 في 01:33 PM.

الرد باقتباس
 
 
 
 
قديم 03-12-2010, 11:55 PM   رقم المشاركة : 3
كاتب الرشيدي
عضو شرف وشـــاعر
 
الصورة الشخصية لـ كاتب الرشيدي







 

الحالة
كاتب الرشيدي غير متصل

 
كاتب الرشيدي بدأ يبرز


 

الافتراضي

مبروك للمتأهلين وحظ أوفر لمن لم يحالفهم الحظ

ونتمنى للجميع التوفيق والنجاح

وترقبو النتائج النهائية خلال الأسبوع القادم بموعد يتم تحديده لاحقاً

وأشكر جميع من شاركونا نجاح هذه المسابقة من إدارة وإداريين ومراقبين ومشرفين ولجنة تقييم وشعراء الكل له يد بالنجاح بعد توفيق الله












آخر تعديل كاتب الرشيدي يوم 04-12-2010 في 12:03 AM.

الرد باقتباس
 
 
 
 
قديم 04-12-2010, 12:02 AM   رقم المشاركة : 4
عبدالسلام عارف
عضو سوبر
 
الصورة الشخصية لـ عبدالسلام عارف






 

الحالة
عبدالسلام عارف غير متصل

 
عبدالسلام عارف بدأ يبرز


 

الافتراضي

الف مبروك للمتأهلين












التوقيع :

الرد باقتباس
 
 
 
 
قديم 04-12-2010, 12:13 AM   رقم المشاركة : 5
ناصر الرشيدي
شــاعر و عــضو شرف







 

الحالة
ناصر الرشيدي غير متصل

 
ناصر الرشيدي بدأ يبرز


 

الافتراضي

كان الله في عون اللجنه حيث ان المنافسه قويه والشعراء اقوياء

تميزت القصائد بالبحور والقوافي والمعاني

شكراً كاتب على متابعتك الرائعه للمسابقه

وشكراً لأعضاء اللجنه وكان الله في عونهم

.












التوقيع :
لولا الوفاء ماتت الشرهه على الجيّه=ولولا الغلا ماسكنت بأجمل احلامي

[IMG][/IMG]

الرد باقتباس
 
 
 
 
قديم 04-12-2010, 12:13 AM   رقم المشاركة : 6
الاجهر
كبير المـراقـبـيـن
 
الصورة الشخصية لـ الاجهر







 

الحالة
الاجهر غير متصل

 
الاجهر بدأ يبرز


 

الافتراضي



الف مبروك وتهانينا - الله يعطيك العافيه اخي كاتب












التوقيع :
آخر تعديل البعيد الهادي يوم 04-12-2010 في 12:38 AM.

الرد باقتباس
 
 
 
 
قديم 04-12-2010, 12:17 AM   رقم المشاركة : 7
سعد عبدالله
عــضو شرف
 
الصورة الشخصية لـ سعد عبدالله







 

الحالة
سعد عبدالله غير متصل

 
سعد عبدالله بدأ يبرز


 

الافتراضي

الف الف الف
مبروكــ ...للمتأهلين ...وحظ اوفر لمن لم يحالفهم الحظ....
......
وننتظر العشره الأوائل
...

كاتب الله يعطيك العافيه ...
سلمت ياذيب












الرد باقتباس
 
 
 
 
قديم 04-12-2010, 12:32 AM   رقم المشاركة : 8
العبسي الغامض
كــاتب
 
الصورة الشخصية لـ العبسي الغامض







 

الحالة
العبسي الغامض غير متصل

 
العبسي الغامض بدأ يبرز


 

الافتراضي

الف مبروكَ التأهل والله قصايد تستاهل
وشعارنا كلهم فيهم الخير والبركه وبنظري الكل متأهل
لانهم أبدعوا هذهي السنه وابرزُ هذا الكم الهائل من الابداع
والبذخ والعطاء والاسهال في كل مافي جعبتهم .. !


لكم من السلام












التوقيع :
أسوء رحيل ....
رحيل من يرحل عنكَ ولا يرحل منكَ .. !

الرد باقتباس
 
 
الرد على الموضوع


يتصفح الموضوع حالياً : 1 (0 عضو و 1 ضيف)
 
خيارات الموضوع ابحث بهذا الموضوع
ابحث بهذا الموضوع:

بحث متقدم

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاح
كود [IMG] متاح
كود HTML مغلق

إنتقل إلى

مواضيع مشابهة
الموضوع الكاتب القسم الردود آخر مشاركة
مسلم الرشيدي يأهل للمرحلة النهائية ويناشدكم الوقوف معه عيد بن عبيد منتدى اخــبار القبيلــة 22 20-04-2012 06:21 PM
مسابقه شاعر الموسم صقر السحاب منتدى الشـــعــــر 18 16-12-2010 09:05 PM
حصـــاد الموسم (( نتائج مسابقة أفضل عشر قصائد ( شاعر الموسم ))) كاتب الرشيدي منتدى الشـــعــــر 75 13-02-2010 01:07 AM
(( القصائد المتأهلة لما قبل لــ10 قصائد من حصاد الموسم ( شاعر الموسم ) )) كاتب الرشيدي منتدى الشـــعــــر 71 18-12-2009 10:49 PM
الشعار الـ48 المتأهلين للمرحلة الثانية من شاعر المليونـ2 بـنـدرآلـرمـيـح المنتدى الإعلامــــي 5 26-12-2007 02:32 AM


الساعة الآن +4: 12:46 AM.


 
  :: الشرقي لخدمة تصميم المواقع والمنتديات ::