الرئيسية دواوين الشعراء مكتبة الفيديو مركز التحميل الاتصال بنا
& إعلان هام جداً:يمنع إستخدام الصور النسائيه والإيميلات والأغاني &

« آخـــر الـــمـــشـــاركــــات »
         :جديد المشاركات: يا حاني القوس (آخر رد :رشيد)      :جديد المشاركات: كلمة ‎الشيخ/ عبدالوهاب عقيل بن هادي* بمناسبة ذكرى اليوم الوطني للمملكة ال88 (آخر رد :روض بن هادي)      :جديد المشاركات: ... // لــوَ ! (آخر رد :عبث..!!)      :جديد المشاركات: ريحان (آخر رد :ندى الصمت)      :جديد المشاركات: شركة مكافحة حشرات (آخر رد :ريال مديد)      :جديد المشاركات: دروس الحياة (آخر رد :رشيد)      :جديد المشاركات: تجربتي مع البنك الاستثماري bdifx (آخر رد :entresand)      :جديد المشاركات: -غير اسم العضو اللى قبلك (آخر رد :سعد محمد)      :جديد المشاركات: اضيع بغيابه (آخر رد :رشيد)      :جديد المشاركات: تعيين السبيعي مشرفاً عاماً على «الأخضر».. وباخشوين مساعداً للمدرب (آخر رد :رشيد)      


 
 
عـودة للخلف   قبيلة بني رشيد > الساحات الادبية > منتدى الشـــعــــر
منتدى الشـــعــــر قصائد نادرة..قصّه وأبيات..من القائل . قصائد منقوله . ابداعات الاعضاء

 
 
الرد على الموضوع
 
خيارات الموضوع ابحث بهذا الموضوع
 
 
قديم 11-02-2017, 11:53 PM   رقم المشاركة : 1
رشيد
مــشرف المنتدى الرياضي
 
الصورة الشخصية لـ رشيد







 

الحالة
رشيد غير متصل

 
رشيد بدأ يبرز


 

v39.gif من قصائد الشاعر / #محمد_الشهري





* تفاصيل مسراي *



ناداني الهاجس وجيته من اقصاي

ما ادري شقاوة عشق ولاّ شهامة

سريت مثل الحزن في نغمة الناي

من غير ما انشد وين درب السلامة

جيته بقايا صبر ما احسّب خطاي

أجفل عن الموذين واهل النمامة

من شان بعض الناس ما تسمع حكاي

لا جيت اقول اللي يليق بمقامه

يا نشوة الماضي، ويا بهجة الجاي

ما عاد يجدي البوح طول اعتصامه

هذا انت شفت اشلون عايش بمنفاي

ما بين همّي والنصيب وخصامه

في غربتي ما شفت من زحمة مناي

إلاّ تباريح الهوى وانتقامه

أزريت اوالف بين وضعي وهقواي

نوبٍ ضيا شمعة، ونوبٍ عتامة

تاهت ظنوني بين بيعي ومشراي

ما بين تجميع الرجا وانقسامه

هذي ملامح من تفاصيل مسراي

البارحة في غفلة اهل الملامة

-
#شعر /
#محمد_الشهري



.

الموضوع الأصلي: من قصائد الشاعر / #محمد_الشهري | | الكاتب: رشيد | | المصدر: شبكة بني عبس













التوقيع :



Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1

الرد باقتباس
 
 
 
 
قديم 11-02-2017, 11:56 PM   رقم المشاركة : 2
رشيد
مــشرف المنتدى الرياضي
 
الصورة الشخصية لـ رشيد







 

الحالة
رشيد غير متصل

 
رشيد بدأ يبرز


 

الافتراضي


* حدّيتني !! *



تنشد عن احوالي بعد طفت ستين

يوم ان كيفك راق ، والجو صافي

حدّيتني ماهوب حسب القوانين

أبوح باللي كان بالجوف خافي

والله لولاي آتسلّى بثنتين

ذكراك ، ومغازل حِسان القوافي

أمدى حياتي من قسى الوقت والبين

حياة مخبولٍ يطا الجمر حافي

يوم ان حنّا بالظروف امتساوين

سوّيت من نفسك غشيم امتعافي

واليوم ما حصّلت بين العناوين

إلاّ الجريح اللي بخبرك سنافي


-
#شعر /
#محمد_الشهري

.












الرد باقتباس
 
 
 
 
قديم 12-02-2017, 12:11 AM   رقم المشاركة : 3
رشيد
مــشرف المنتدى الرياضي
 
الصورة الشخصية لـ رشيد







 

الحالة
رشيد غير متصل

 
رشيد بدأ يبرز


 

الافتراضي

* ما كنّك اخطيت.!! *

الله يجازي ذيك الايام بالخير

أيام ترقبني على شرفة البيت

لو ما مداني صُبح مريتك عصير

واحيان اجي عاني وانا ما تغديت

ما عاقني شغلي وطول المشاوير

عن غايةٍ ما تعترف بالمواقيت

اجيك في لهفة كما طفلٍ صغير

لو بي وجع حسّيت روحي تعافيت

ولو ما لقيتك كنّ قلبي على كير

امرض وتبطي علّتي ما تشافيت

يضيق صدري واستخف المحاذير

لوما ظروفي ساعدتني ومريت

لو بس امرّ مرور بالحي ، ما غير

احس كنّي من دلالك تقهويت

أخطي وتسمحني بليّا معاذير

وتخطي عَلي واسمحك ما كنّك اخطيت

الله على ذيك الوقوت المسافير

ما اقدر على نسيانها لو تهقويت

رغم البساطة والظروف المعاسير

يا ليت ترجع ، بس وش فود يا ليت؟


-
#شعر /
#محمد_الشهري



.

.












الرد باقتباس
 
 
 
 
قديم 19-01-2018, 10:03 PM   رقم المشاركة : 4
رشيد
مــشرف المنتدى الرياضي
 
الصورة الشخصية لـ رشيد







 

الحالة
رشيد غير متصل

 
رشيد بدأ يبرز


 

الافتراضي


السارق المزّاح.!
- - - -

صباحك ندى يا ساكن الذاكرة والعين

وباقي نهارك والليالي هنا وافراح

تدلّل وزيد الدّل يا سيّد الحلوين

يقدّيك لا قالوا: طباع المليح ، ملاح

عليم الله انّا يا هوى البال مشتاقين

لساعة صفا ما بيننا والنفوس سماح

ترى يكفي المشتاق من يمّكم ثنتين

شويّة حنان ، وشيّ من عطرك الفوّاح

دخيلك ترى ما فيّ لمطارد المقفين

ولاني براعي كيد ومشاغبة وصياح

ولا لي مطامع زود في عالم الترفين

سوى (الغادة) اللي صابني رمشها الذبّاح

عليها خفوقي يا (سعد) منقسم نصفين

نصيفة (غلا) والنصف الآخر تعب وجراح

خَذَت زِينة اللي راح واللي بعد جايين

ومن شفتها بالسوق يا خوك، حيلي طاح

رمتني وانا ماشي معا جملة الماشين

بسهم المنايا رمية (السارق المزّاح)

وانا قبل ذاك اليوم سالي مع السالين

بدنيا القصيد وعالمه داله وسوّاح

-
محمد الشهري












الرد باقتباس
 
 
 
 
قديم 14-05-2018, 12:26 AM   رقم المشاركة : 5
رشيد
مــشرف المنتدى الرياضي
 
الصورة الشخصية لـ رشيد







 

الحالة
رشيد غير متصل

 
رشيد بدأ يبرز


 

الافتراضي

الصلح خير

....


سنين العمر مرّت ولا بيّن الكسبان
من الهجر والحرمان والشك والحيرة

عنادك طوال الوقت حدّك على العصيان
وانا حدّني صبري على واجب الجيرة

تعال انتلاحق ما بقى من دفا الوجدان
وننسى زمن كلٍ يعدّد مخاسيره

تنازلت لي، ولاّ تنازلت لك (سِيّان)
مادام ان يوم القرب لاحت تباشيره

وبحلف ولو كان انّ مالك علي حلفان
فلا كان لي غيرك من اهل الوله خيرة

ترى ما يجي من يابسات الشجر رمّان
ولا تنفع المرتاب كثرة محاذيره

قضى الوقت ماعد يمدي معاتب الغلطان
تعال انتصالح عاد ونفضّها سيرة

ترى الصلح خير وراعي الكبر في نقصان
يكابر بلاش وياخذ الفايدة غيره

** **

محمد الشهري

.












الرد باقتباس
 
 
الرد على الموضوع


يتصفح الموضوع حالياً : 1 (0 عضو و 1 ضيف)
 
خيارات الموضوع ابحث بهذا الموضوع
ابحث بهذا الموضوع:

بحث متقدم

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاح
كود [IMG] متاح
كود HTML مغلق

إنتقل إلى

مواضيع مشابهة
الموضوع الكاتب القسم الردود آخر مشاركة
قصائد الشاعر ضبيان وابنه علي زيزوم المراجل منتدى الشـــعــــر 1 05-07-2011 11:38 PM
من قصائد الشاعر ((راضي غالي الرشيدي)) بدر حيي منتدى الشـــعــــر 6 06-11-2009 11:35 PM
من قصائد الشاعر صقر النصافي فهد العايضي منتدى الشـــعــــر 3 01-06-2008 09:12 AM
من قصائد الشاعر جمعان خلف الرشيدي خليفه الرشيدي منتدى الشـــعــــر 8 14-05-2008 09:13 AM
مجموعه من قصائد الشاعر الكبير سعد بن جدلان سعد المظيبري منتدى الشـــعــــر 2 21-03-2008 03:13 PM


الساعة الآن +4: 11:12 PM.


 
  :: الشرقي لخدمة تصميم المواقع والمنتديات ::